Қазіргі уақытта панасыз жануарлар мәселесі өте өзекті. Бүгінгі таңда Ресейде ондаған мың панасыз мысықтар мен иттер жиналған 400-ге жуық панажай бар. Бұл мекемелердің көпшілігі жеке меншік болып табылады және қайырымдылық көмек есебінен жұмыс істейді. Әдетте, қаржыландыру орташа азық және болмашы ем сияқты тек ең қажетті нәрселерге жетеді. Ал панасыз жануарлардың күші мен денсаулығын қалпына келтіру үшін жеке қажеттіліктеріне сәйкес теңдестірілген азық керек, сонымен қатар олардың пана және сүйіспеншілікке толы отбасын табу мүмкіндігін арттыратын үй жануарларын әлеуметтендіру қажет. Біз PURINA®-дағылар панажайдағы әрбір үй жануары өз иесін табуға лайық деп санаймыз, сондықтан Ресейдің түкпір-түкпіріндегі панажайлардағы мысықтар мен иттерге азық беруге көмектесеміз, сондай-ақ панасыз жануарларды орналастыратын көрмелерді қолдаймыз.

Әлемнің көптеген елдеріндегі PURINA® қорлармен және серіктес панажайлармен бірлесіп, үй жануарларына жауапкершілікпен қарау мәдениетін дамытуға және «Пурина қоғамда» жаһандық әлеуметтік бастамасы аясында панажайлардағы үй жануарларына пана іздеуге бағытталған жобаларды қолдайды. Брендтің қоғам алдындағы міндеттемелерімен мына сілтеме арқылы таныса аласыз: https://www.purina.ru/pins/our-commitments

Брендтің қолдауымен түрлі іс-шаралар өткізіліп, нәтижесінде төрт мыңға жуық панасыз мысықтар мен иттер өз иелерін тапты.

Ресейдегі PURINA® бренді серіктестерінің бірі – жануарларға көмек көрсететін халықаралық «Дарящие надежду» қайырымдылық қоры. Қордың жануарларға білікті ветеринарлық көмек көрсетуге бағытталған бірнеше жобалары бар, соның ішінде панасыз иттер мен мысықтарды ұрықсыздандыру. Панажайдағы жануарларға пана және қожайын табуға көмектесу үшін Қор Purina®-ның қолдауымен орналастыру көрмелерін үнемі өткізіп тұрады, онда әрбір қалаған адам қордың қамқорлығындағылармен таныса алады және, олардың біреуін үйіне алып кете алады. http://www.ghope.ru/ сайтында алдағы іс-шаралар туралы біле аласыз, қайырымдылық жасау және қорға тағы қалай көмектесу туралы ақпарат ала аласыз.

PURINA® серіктестерінің арасында панасыз жануарларға көмек көрсететін «НИКА» қайырымдылық қорын және иттер мен мысықтарға арналған аттас панажайды да атап өткен жөн. Тоғыз жыл ішінде мұндағы қамқоршылардың саны бірнеше есе өсті. Қор тек жеке адамдардың берген қайырымдылықтарының арқасында жұмыс істесе де, төрт аяқты үй жануарларының өмірі, денсаулығы және көңілді өмір сүруі үшін «НИКА» дамылсыз еңбектеніп келеді. Қашанда жануарлардың қамқоршысы, қамқор ерікті бола аласыз немесе https://www.fond-nika.ru/ сілтемесін басу арқылы қайырымдылық жарна жасай аласыз. PURINA® «WOOF» деп аталатын «НИКА» қорының тұрақты фестивальдарын қолдайды, онда қордың қамқорлыққа алынған жануарлары өздерінің сүйікті және қамқор қожайындарын қарсы алады.

«ЮНА» уақытша панасыз жануарларды оңалту орталығында мысықтар мен иттерді үй жағдайында өмір сүруге дайындап қана қоймайды, сондай-ақ адамдардың жануарларға деген қарым-қатынасының жаңа мәдениетін қалыптастырады. Төрт аяқты адал досыңызды PURINA® брендінің қолдауымен «ЮНА» орталығы өткізетін көрмелер мен фестивальдардан таба аласыз, http://yunacenter.ru сайтына кіріп, жобаның досы болыңыз.

Сондай-ақ PURINA® бренді Ресейде ғана емес, ТМД елдерінде де зооқорғау ұйымдарымен серіктестікте жұмыс істейді. Бренд Беларусь пен Қазақстанда «Эгида» және «Котопес» қорлары ұйымдастыратын орналастыру көрмелерін белсенді қолдайды.

2018 жылы PURINA® «Бір-біріне» онлайн сервисін іске қосты (Friendforpet.ru), бұл адамдар мен панажайдағы үй жануарларына кездесіп, өмір бойы дос болуға көмектесетін ерекше жоба. Бұл Ресейдегі алғашқы әлеуметтік қызмет, ол панажайдағы жануарларға қожайын табудың кешенді тәсілін ұсынады. Жоба үй жануарларына жауапкершілікпен қарау мәдениетін қалыптастыруға бағытталған және панасыз жануарлар мәселесін шешуге бағытталған. Осы қызметтің арқасында 400-ден астам мысық пен ит пана тапты.

2017 жылы PURINA® брендінің бастамасымен балаларды үй жануарларына жауапкершілікпен қарауды қалыптастыруға бағытталған «Біз сенің достарыңбыз» атты мектепке арналған оқу бағдарламасы іске қосылды. Бағдарлама Ресей білім академиясының Балалық шақты, отбасын және тәрбиесін зерттеу институтымен бірлесе, К.И. Скрябин атынд. Мәскеу мемлекеттік ветеринарлық медицина және биотехнология академиясының және Жануарларға көмек көрсететін «Дарящие надежду» халықаралық қайырымдылық қорының қатысуымен әзірленді. 2017-2020 жылдар аралығында бағдарлама бойынша Ресейдің 27 өңірінен 372 000 бала оқыды. Жоба туралы толық ақпарат мына сілтеме бойынша: https://www.pet-school.ru/.