Зерттеулер мен инновациялар
Көптеген жылдар бойындағы инновациялар мен ғылыми жаңалықтар
Шамамен бір ғасыр бойы Purina® компаниясы үй жануарларының тамақтануы туралы ғылымға зор көңіл бөліп, олардың рационының денсаулыққа әсерін зерттеп, жаңа жаңалықтар ашып, индустрия стандарттарын қайта қарап келеді.
Бүгінгі таңда үй жануарларының тамақтануы туралы ақпаратты табу бұрынғынан да оңай. Бірақ оның сенімділігін қалай тексеруге болады? 2018 жылы Purina® компаниясы Purina Институтын құрды — бұл үй жануарларының өмірін жақсартуға және ұзартуға көмектесу үшін бүкіл әлем бойынша ветеринария және басқа ғылымдар саласындағы беделді сарапшылардың ынтымақтастығына ықпал ете отырып, тамақтану туралы ғылымды дамытатын жаһандық жоба.
Purina Институты халықаралық ғылыми байланыстармен айналысады және инновациялық ғылыми әзірлемелермен бөлісуге мүмкіндік беретін дүниежүзілік ресурстар жүйесіне қол жеткізе алады.
Purina® институты аясында 500-ден астам ғалымдар мен үй жануарларын күту саласындағы сарапшылардан тұратын көпұлтты команда жұмыс істейді; институтта 8 ғылыми-зерттеу орталығын қамтитын ауқымды құрылым құрылған, соның арқасында Purina® институты үй жануарларының денсаулығы саласындағы ең озық мамандарды біріктіруге көмектеседі: тамақтану жөніндегі мамандар, ветеринарлар, зоопсихологтар, иммунологтар, химиктер, молекулалық биологтар, тағам өнімдері бойынша ғалым-мамандар, азықтардың дәмдік қасиеттері бойынша мамандар, геномика және биоинформатика саласындағы мамандар.
Үй жануарларының тамақтануы туралы ғылым – біздің жұмысымыздың негізі. Біз қол жеткізген жетістіктермен тоқтап қалмаймыз және бұл тақырыпты зерттеуді жалғастыра береміз, өйткені біздің міндетіміз – үй жануарларының өмірін жақсарту.
Дэн Смит, Nestle Purina® вице-президенті және жаһандық зерттеулер мен әзірлемелер бөлімінің басшысы.
Ең ірі азық-түлік өндіруші компания Nestle-нің бір бөлігі болу мүмкіндігі бізге үй жануарларының денсаулығы мен адам денсаулығы арасындағы байланысты зерттеуге мүмкіндік береді. Біздің ғылыми топтарымыз арасындағы тәжірибе алмасудың арқасында Purina® Институты пробиотиктер және когнитивті функциялар сияқты салалардағы негізгі білімді қолдана алды.
Біздің жұмысымыз туралы көбірек білу және Purina® Институтының ғылыми ресурстарын зерттеу үшін, өтінеміз, мына сайтқа кіріңіз: Иттер мен мысықтардың денсаулығы саласындағы ғылыми жаңалықтар | Purina Институты
Біздің ғылыми мұрамыз
