Мысық тұқымдары мен мысық түрлері

Мысықтар әлемі – таңғаларлық, көп қырлы әлем. Бүгінгі таңда екі жүзден астам ресми түрде танылған мысық тұқымдары бар. Оның барлығын түсіну оңай болу үшін осы сүтқоректілерді жіктеу қағидаттарын түсінуіңіз керек.

Бастапқыда мысықтардың түрлерін жүнінің ұзындығына қарай ажырататын. Тек екі санат болатын: қысқа жүнді және ұзын жүнді. Бірақ уақыт мұндай жүйелеудің сәтсіз екендігін көрсетті: табиғи мутациялардың салдарынан немесе селекционерлердің жұмысының нәтижесінде жүнінің ұзындығы орташа мысықтар пайда болды, оларды екі категорияның ешқайсысына жатқызуға болмайды. Оған қоса жануарлардың көлемі әртүрлі болды: үлкен, кішкентай, орташа мысықтар, мұны да ескеру керек еді. Сондықтан фелинологтар мысықтарды жіктеудің төрт нұсқасын ұсынды.

1. Дене бітімі бойынша.

Мұнда тек екі санат бар: дене бітімі мықты мысықтар және әдемі мысықтар. Біріншісіне Францияда өсірілген қысқа жүнді шартрездерді жатқызуға болады. Олар сүйегі ауыр және мықты бұлшықеттері бар көлемді кеудесімен ерекшеленеді. Дене бітімі әдемі болып келген тұқымның ең танымал өкілдері — сиам мысықтары. Белсенді, ойнақы, көпшіл және сенгіш — шартрездердің қарама-қарсы түрі.

2. Жүнінің түрі бойынша:

ұзын / жартылай ұзын (бирмандық);
қысқа жүнді (орыстың көк мысығы);
бұйра жүнді (корниш-рекс);
қатты жүнді (америкалық қатты жүнді);
жүнсіз (сфинкс).

Бурмандық мысыққа күтім жасау оңай, өйткені жүні аз болғандықтан, жүні ұйысып жабысып қалмайды. Аптасына бір-екі рет жібектей жұмсақ жүнін тістері жиі тарақпен тарап қойсаңыз және терісін массаж щеткасымен уқалап қойсаңыз болғаны. Десе де маусымдық түлеу кезінде мысығыңызды күніне кемінде екі рет тарау керек.

Орыстың көк мысығының мінезі жұмсақ, бірақ тәуелсіз. Ол қарым-қатынасты жақсы көреді, бірақ құшақтағанды және физикалық байланыстың болуын қаламайды. Өзін тарауға мүмкіндік бермейді, бірақ тарауға тырыссаңыз, ол ешқашан тырналамайды.

Бұйра-бұйра әдемі корниш-рекс елтірінікі сияқты жүнін өз бетінше күтеді. Бірақ тырнақтарын үнемі қадағалау керек: табанының жастықшалары тым кішкентай және оларды толықтай ішіне сыйғыза алмайды. Сондықтан корниш-рекске үнемі мысық «маникюрін» жасау керек. Бұл процедура бойынша қажетті ұсыныстарды ветеринар дәрігерден алуға болады. Бұл тұқым артық тамақтануға бейім, сондықтан азық мөлшерін қатаң реттеу керек.

Америкалық жүні қатты мысықтар толқынды жүндерімен ерекшеленеді. «Сым тәрізді жүн» әсері сандарында, құйрығында, басында және омыртқасында болады, олар не сындырылған, не бүгілген, не өзара бекітілген болып келеді. Бұл тұқымның жануарларын шомылғаннан кейін де тарауға болмайды, әйтпесе жүннің «серіппелері» жоғалып, жануар өзінің сүйкімділігін жоғалтады.

Кейбіреулер сфинкстерді әлемдегі ең жақсы мысықтар деп санайды, ал басқалары мұндай жануарды сипалау түгілі, қасына қалай жақындауға болатындығын түсінбейді. Алайда сфинкстерге сүйіспеншілік пен көңіл аудару қажет. Сондай-ақ оларға жылу қажет: жүнсіз мысықтар жиі тоңады, ал жылыну үшін олар батареяға жатуы немесе істеп тұрған духовкаға сүйкенуі мүмкін, осылайша олардың нәзік терісі күйіп қалуы мүмкін. Сондықтан сфинкстің қожайыны үй жануарына арналған жатын жердің жылы болуына, өкпек болмауына көңіл бөлуі керек.

3. Бояу түрі бойынша:

бір түсті (гавана);

екі түсті (рэгдолл);

ала (мейн-кун);

секпіл түс (америкалық қысқа жүнді).

4. Жүнінің суреті бойынша.

Мұнда жеті негізгі нұсқа бар:

Тикинг – бұл бір шашта қара және ашық түсті жолақтардың кезектесуі (абиссиндік мысықтар, корниш-рекс).
Табби – басқа түсті жүндегі біркелкі түсті өрнек (дон сфинксі, петерболд).
Ван бояуының 5/6 бөлігі ақ түске боялған жануарға тән (түріктің ван мысығы, британдық мысық).
Мәрмәр табби – бұл дақтары бар, артқы жағында «көбелегі» немесе бүйірлерінде «көздері» бар (экзотикалық қысқа жүнді мысық, британдық мәрмәр мысық).
Торби – тасбақа таббиі (мейн кун, парсы ысығы).
Сиамдық өрнек белгілі бір геннің болуына байланысты, бұл тұқымда жүн дененің суық бөліктерінде қара реңкке ие болады, ал жылы жерлеріндегі түсі ақшыл болып қалады (рэгдолл и сноу-шу).
Аралас – бірнеше суреттердің үйлесімі (норвегиялық орман мысығы, бобтейл).

Үй жануарларын таңдау оңай емес, сыртқы келбет алдамшы келеді. Кішкентай марғау үлкен тентек болуы мүмкін. Сондықтан төрт аяқты досыңызды сатып алар алдында мысық тұқымының мінез-құлқы жазылған

сипаттамасын міндетті түрде оқып шығыңыз.