Қандай азық түрлері бар?
Қандай азық түрлері бар?
Жалғыз марғауларға арналған азықтың таңдауы мол болып көрінуі мүмкін, оны түсіну де оңай емес. Бірақ марғауыңыздың өмір салты мен денсаулығы қандай болмасын, оған сәйкес келетін азықты оңай таба аласыз.
Марғауларға арналған азықтың құрамында үй жануарыңыздың өсуіне қажетті ақуыз мөлшері, сондай-ақ марғаудың сүйектері мен тістерін қатайтатын кальций, магний, фосфор, мырыш және темір көп.
Егер медициналық қарсы көрсетілімдер болмаса, марғауларға арналған құрғақ немесе жұмсақ азықты түпкілікті таңдау өзіңізге (және сіздің үлпілдек досыңызға) байланысты болады.
Құрғақ азықтың артықшылықтары
- Құрғақ азықты өлшеу және пайдалану оңай; сонымен қатар жұмсақ түрдегі азықпен салыстырғанда, қаптамасы ашылған құрғақ азық өзінің азықтық сипаттамаларын ұзақ сақтайды.
- Құрғақ азық марғаудың тістерін сау қалпында сақтауға көмектеседі. Үй жануарыңыз құрғақ азықты белсенді шайнауға мәжбүр болады, бұл оның тіс қағынан арылуына көмектеседі.
- Әдетте, құрғақ азық кішкентай жастықшалардан тұрады, оларды марғаулар оңай шайнап, жұтып қояды.
- Құрғақ азықты қолдана отырып, сіз үй жануарыңызға қажетті азық мөлшерін өлшеп сала аласыз, көп болып кетті немесе аз болып қалды деп уайымдамайсыз.
Сулы азықтың артықшылықтары
- Кейбір марғаулар сулы азықтың иісі мен дәмін жақсы көреді, өйткені ол қарапайым құрғақ азыққа қарағанда, шайнаған кезде иісі анағұрлым аңқып тұрады әрі едәуір жұмсақ болады.
- Жұмсақ азықты пайдаланудың тағы бір ыңғайлы жері – ол үлесімге бөлініп салынған қаптама түрінде әкелінеді, соның арқасында мысығыңыз ең балғын әрі жұмсақ азықты сүйсініп жейді.
- Сулы азық марғауды қосымша сұйықтықпен қамтамасыз етеді.
Қазір PURINA® үй жануарларына арналған азықтарды өндіру саласындағы көшбасшылардың бірі болып табылады және марғауларға арналған құрғақ және жұмсақ азықтардың бірнеше атауын шығарып келеді, олардың әрқайсысы біздің өнімнің сапасы, дәмі мен қоректік құндылығы ретінде артықшылыққа қол жеткізуге мүмкіндік беретін соңғы ғылыми әзірлемелердің өнімі болып табылады. Кез келген қожайын үй жануарының жасына және өмір сүру салтына қарамастан, марғауға қолайлы азық түрін таба алады!
Марғауларға арналған Purina® азығы туралы толық ақпарат алыңыз
Марғауды қалай азықтандырған жөн?
Марғаулардың әдеттері олардың өмірінде ерекше рөл атқарады, сондықтан үй жануарыңызды мүмкіндігінше тезірек қатаң күн тәртібіне үйрету керек.
Марғауды бір уақытта тамақтандыруға тырысыңыз, ол үшін науадан мүмкіндігінше алыс орналасқан тыныш, оңаша және оқшауланған орын таңдаңыз.
Азықтандыру үшін беткі қабаты оңай тазаланатын нәрсені таңдаңыз немесе марғауларды тамақтандыруға арналған арнайы жинақты қолданыңыз. Тек таза ыдыстарды қолданыңыз, өйткені марғаулар, шын мәнінде, өте талапшыл жаратылыс иелері. Кейбіреулер таяз ыдыстарды немесе табақтарды жақсы көреді, сонымен қатар мұндай ыдыс-аяқтарды қолдану тамақтану процесін біршама баяулатуға көмектеседі, бұл өте тез жейтін белсенді және тентек марғаулар үшін өте маңызды.
Егер үйіңізде бірнеше марғау болса, олардың ыдыстарының бөлек екеніне және бір-бірінің жанында тұрмайтынына көз жеткізіңіз, бұл үй жануарлары арасындағы қақтығыстардың алдын алуға көмектеседі. Егер марғаулар бір-бірімен мүлдем тіл табыса алмаса, оларды үйдің әр жерінде тамақтандыруға тура келеді.
Үй жануарыңызға бөлме температурасындағы сулы азық беруге тырысыңыз, сонда оның иісі жағымды болады және оңай қорытылады. Мұндай жағдайда марғауды тамақтандырудан шамамен бір сағат бұрын тоңазытқыштан азықты алып қойған жөн немесе оны қысқатолқынды пешке қыздыру керек, тек оның тым ысып кетуіне жол бермеңіз!
Сулы тамақ тез кеуіп кетеді, сондықтан оны ашық ауада қалдырмаңыз. Сулы азықтың қаптамасын ашқаннан кейін оны тоңазытқышта да 24 сағаттан артық сақтауға болмайды.
Сулы азықпен салыстырғанда, құрғақ азық күні бойы тұрса да, бұзылып кетпейді. Оны құрғақ әрі таза жерде, ең дұрысы, дәмі мен хош иісі сақталатын герметикалық контейнерде немесе қорапта сақтау керек.
Марғаулар өте тез өсуі мүмкін, олардың тәбеті керемет болып көрінуі мүмкін, десе де олардың көздері кішкентай асқазандарынан да үлкен екен! Үй жануарыңызға қанша азық қажет екенін анықтауға көмектесетін бірнеше кеңестерге құлақ түріңіз.
- Күніне төрт кішкене үлесім – бұл марғауларға енесінен ажырағаннан кейін қажет мөлшер. Егер күн тәртібіңізге сәйкес, марғауды күніне төрт рет тамақтандыра алмасаңыз, күніне үш рет тамақтандыруға да болады, бірақ мұндай жағдайда үй жануарыңызға аздап құрғақ азықты көбірек салуға тырысыңыз. Тек құрғақ азықты қолданған дұрыс, сонда азық күні бойы ыдыста жатыр деп алаңдамайсыз, өйткені ол бәрібір бұзылмайды.
- Марғаулар өскен кезде азық мөлшерін күніне үш үлесімге дейін азайту керек. Алты айына таман марғауларды күніне екі рет тамақтандыруға болады. Есіңізде болсын: иттерден айырмашылығы, мысықтар жиі және кішкентай үлесіммен жеуге дағдыланған, сондықтан кез келген жағдайда оларды күніне бірнеше рет тамақтандыру керек!
- Марғауларға арналған азық қаптамасында жазылған азықтану нұсқауларын мұқият оқып шығыңыз. Сонымен қатар бұл міндетті, бірақ үлесім мөлшерін дұрыс анықтаудың бірден-бір шарты емес екенін естен шығармаңыз. Қажет болса, маманнан кеңес алған пайдалы болмақ. Есіңізде болсын: ең бастысы, үй жануарыңыздың дені сау және физикалық күйі керемет болуы керек! Осы мақсатқа жету үшін Марғаудың физикалық жағдайын бақылауға арналған арнайы қосымшаны. пайдалана аласыз. Егер үй жануарыңызда артық салмақ бар немесе салмақ жетіспейді деген күдік болса, қашанда ветеринар дәрігермен кеңесуге тырысыңыз.
Күніне бірнеше рет азықтың толыққанды үлесімдерін қолдануды көздейтін рационға қосымша ешқандай қоспалар қажет емес, өйткені үй жануарыңыз барлық қажетті қоректік заттар мен микроэлементтерді алады. Сонымен қатар, азықтың кейбір түрлерінде (мысалы, тәтті азықтар, тіскебасарлар және толықтай балық етінен немесе еттен жасалған азықтар) мысықтың организмі үшін өмірлік маңызы бар барлық қоректік заттар жоқ. Сондықтан марғауыңызды осындай азықпен тамақтандырсаңыз, үй жануарыңыз оның дамуы үшін қажетті барлық микроэлементтерді алатынына көз жеткізіңіз.
Тәтті азықтар беру марғаумен қарым-қатынас орнатудың тамаша тәсілі болса да, абай болуыңыз керек және үй жануарыңыздың өсу кезеңінде мұндай тағамды аса көп бермеу керектігін естен шығармаңыз.
Бірақ марғауды дастарқандағы тамақпен тамақтандыру – бұл қате әрекет. Адамдарға арналған тағам жоғары калориялы, бірақ оның құрамында сіздің үй жануарыңызға қажет қоректік заттар жеткіліксіз. Сонымен қатар, тағамның кейбір түрлері тіпті, марғаудың асқазанын ауыртып, зиян келтіруі мүмкін.
Мысықтарға арналған көптеген тәтті азықтар кішкентай марғаулардың тұтынуына арналмаған және құрамында тым көп калория болуы мүмкін. Тағы бір проблема бар – десерттердің үлкен кесектері кішкентай үй жануарларында демікпенің пайда болуына, тіпті, тұншығуға әкеп соғуы мүмкін.
Ең дұрысы, марғау аздап өскенше оған тәтті азықтар бермей, күте тұру керек. Алайда, бірнеше айдан кейін де, марғаулар үшін арнайы дайындалған десерттерді мұқият таңдау керек. Сонымен қатар азық теңгерімін сақтаған маңызды: сонымен үй жануарыңыз өскен кезде тәтті азықтар мен тіскебасардың калория мөлшері оның ағзасының күнделікті қажеттілігінің 10-15% - ынан аспауы керек. Артық тамақтануға жол бермес үшін үй жануарының негізгі рационының көлемі мен калориясын азайтуды ұмытпаңыз, бұл марғаудың қабылдайтын калория мөлшеріне тең болуы керек.
Марғауыңыз нағыз талғампаз болып өсіп келе ме? Салған азығыңыздан бас тарта ма? Сөзіме сеніңіз, сіз жалғыз емессіз, бұл өте жиі кездесетін мәселе! Көптеген марғаулардың азықтың дәміне, сыртқы түріне және иісіне қатысты өзіндік қалаулары мен әдеттері бар, егер үй жануарыңызға дәстүрлі азықтан өзгеше басқа нәрсе ұсынылса, мұндай жаңа азық марғауыңызды тез кекіртуі мүмкін. Тамақтанғаннан кейін кенеттен құсу немесе кекіру, сондай-ақ азықтанудан толық бас тарту күрделі денсаулық проблемаларының белгілері болуы мүмкін, сондықтан мұндай жағдайда мүмкіндігінше тезірек ветеринар дәрігермен кеңескен жөн. Сонымен қатар бұл мәселені өзіңіз шешу үшін келесі пайдалы кеңестерді қолдануға болады.
- Марғауды тамақтандыру уақытын өзгертіңіз, үйдегілердің бәрі және үй жануарлары жеп болғаннан кейін кешірек беріңіз. Марғауды тыныш, оқшау жерге апарыңыз, оны күнделікті өмірдің қарбаласынан және күйзелісінен алыс жерде тамақтандыруға тырысыңыз. Сондай-ақ құрғақ азықты сулы азыққа алмастыруға немесе марғауға басқа иісі бар азық ұсынуға болады.
- Марғаудың ыдысының жақсылап жуылғанын, ондағы құрғақ азықтың бұзылмағанын тексеріңіз.
Марғауды жеткілікті су мөлшерімен қамтамасыз ету – қолайлы азық таңдау сияқты маңызды міндет. Бұл әсіресе, үй жануарыңызды құрғақ азықпен тамақтандырған жағдайда дұрыс.
- Жаңа құйылған және таза ауызсу марғау іше алатын жерде тұрғанына көз жеткізіңіз. Су құйылған ыдысты қашанда тамақ салынған табақтан алысырақ қойыңыз, екі ыдыс та мысық дәретханасынан алысырақ жерде тұруы керек.
- Су ыдысы кішкентай марғаудың ішуіне ыңғайлы болатындай таяз болуы керек. Суды қыш ыдысқа құйған жақсы, өйткені кейбір марғаулар металл ыдыстардан көрініп тұратын өз бейнелерін көргенді ұнатпайды.
- Егер үй жануарыңыз су ішкісі келмесе, үлкенірек ыдыстарды қолданып көріңіз, көптеген марғаулар мұртының ыдыс шетіне тиіп тұрғанын ұнатпайды!
- Мысық марғауларын тамақтандыруды тоқтатқаннан кейін, оларға сүт қажет емес, сондықтан сүтті судың орнына қолдануға болмайды. Сонымен қатар кейбір марғаулар мен ересек мысықтарға сүт жақпауы, соның салдарынан көбінесе диарея пайда болуы мүмкін. Тіпті, марғауларға арналған арнайы әзірленген сүт сусын ретінде емес, тек азық немесе тәтті азық ретінде ұсынылуы керек. Егер марғауыңызға осындай сүт беремін деп шешсеңіз, оның кішкентай үй жануарыңыздың сезімтал асқазанына жағатынына көз жеткізіңіз.
Марғауыңыздың рационын қалай өзгертуге болады?
Марғаудың асқорыту жүйесі өте сезімтал болуы мүмкін, сондықтан оның асқазанына зиян тигізбеу үшін рационды тек төтенше жағдайларда ғана өзгерту керек. Үй жануарыңыз көңілді және дені сау болып жүруі үшін марғауды бұрынғы қожайыны немесе мысықтар панажайында жеген рационмен тамақтандырыңыз, әрине, бұл азық теңдестірілген және құрамында жеткілікті мөлшерде қоректік заттар болуы керек. Егер марғауыңыз ауырып қалса, кенеттен тәбеті жоғалса немесе әдеттегіден азырақ азық жей бастаса, дереу ветеринар дәрігермен кеңесуіңіз керек.
Егер ветеринар дәрігер марғаудың рационын өзгертуге кеңес берсе, жануардың асқорыту жүйесіне зиян тигізбеу үшін мұны біртіндеп жасау керек екенін ұмытпаңыз. Төменде сізге көмектесетін бірнеше кеңестер берілген.
- Марғаудың алдына әртүрлі ыдысқа салынған ескі және жаңа азық түрін салыңыз, сонда ол әрқайсысының дәмін татып көре алады.
- Марғау жаңа азықтың дәмін көргеннен кейін, ескі азық салынған ыдысқа аздап жаңа азық түрін қосыңыз.
- 7-10 күн ішінде жаңа азықтың мөлшерін біртіндеп көбейтіп, үй жануарыңыз жаңа рационға толығымен ауысқанша ескі азық мөлшерін азайтыңыз. Мұндай жағдайда асықпаңыз және кейбір жағдайларда көп уақыт кетуі мүмкін екенін ұмытпаңыз!
- Егер марғаудың рационын медициналық себептерге байланысты өзгерту керек болса, оны қашан және қалай жасау керектігі туралы ветеринар дәрігермен кеңесіңіз.
Егер марғауды жұмсақ азықтан құрғақ азыққа ауыстырсаңыз, үй жануарыңыз тамақты белсенді шайнауға мәжбүр болатындығын ұмытпаңыз, яғни оған көбірек су қажет болады. Марғауды азықты бір уақытта емес, бірнеше рет бөліп жеуі мүмкін. Құрғақ азық жұмсақ азыққа қарағанда көбірек қуат береді, сондықтан сулы азыққа ауысқан кезде марғау тұтынған бұрынғы калория мөлшерін сақтау үшін үлесім мөлшерін көбейту қажет болуы мүмкін. Мынаны естен шығармаңыз: үй жануарыңыздың жасына қарамастан, оның ыдысында әрдайым жаңа құйылған және таза ауызсу жеткілікті мөлшерде болуы керек.
Марғауды ересек мысықтарға арналған азықпен тамақтандыруды қашаннан бастау керек?
6-8 айында марғаулар ересек болып көрінуі мүмкін, бірақ олардың іш құрылысы әлі де марғаулардікі сияқты болып қала береді. Олардың сүйектері әлі де күшейтіліп, салмақ қосуын жалғастыруда. Оларды марғауларға арналған арнайы қоректік азықпен шамамен 12 айға дейін тамақтандырыңыз, он екі айдан кейін үй жануарлары ересектердің азығына еш қиындықсыз ауыса алады.
Марғауларға арналған PURINA® азықтарының брендтері
Қазір PURINA® Ресей нарығындағы көшбасшылардың бірі болып табылады және марғауларға арналған құрғақ және жұмсақ азықтың бірнеше түрін шығарады, олардың әрқайсысы біздің өнімдеріміздің сапасы, дәмі мен тағамдық құндылығы жағынан артықшылыққа қол жеткізуге мүмкіндік беретін соңғы ғылыми әзірлемелердің нәтижесі болып табылады. Кез келген қожайын үй жануарының жасына және өмір салтына қарамастан, марғауына қолайлы азық түрін таба алады!
